Proiektuak

ELKARBIZITZA PLANA

Elkarbizitzaren definizioa guretzat

Hau da guztion artean osatu dugun definizioa:
“Gure ikastetxean, bizikidetzaz ulertzen dugu ERRESPETUAN, BERDINTASUNEAN, TOLERANTZIAN, KONFIDANTZAN...oinarritutako harremanen erainkuntza, hau posible delarik PARTEHARTZE, ADOSTASUN, KOMUNIKAZIO, HEZKUNTZA, KOOPERAZIOaren bitartez, eta helburu nagusitzat izanda ikaskomunitateko kide guztien ongizate emozianala.”

Elkarrekin bizitzen ikastea

Elkarrekin bizitzen ikastea, horixe da gaur egun hezkuntzak duen ikasketarik garrantzitsuena, eta, horrenbestez, dagoeneko hezkuntza-sistemaren ezinbesteko premia da Urteko Elkarbizitza Plana eratzea.

Gizartea aldatu egin da, eta horrek aldaketak ekarri ditu eskoletako xede eta helburuetara ere. Bizitzeko behar diren oinarrizko konpetentziak eta gaitasunak garatzea izango da orain helburu nagusia. Ikasleak bizitzan izango dituen egoeretan modu egokian erantzuteko gai izan behar du, eta, beraz, horretarako hezkuntza sustatu behar da; bizitza, azken batean, elkarbizitza baita, harremanetan oinarritua. Hori dela eta, funtsezko aurrerapausoa izan zen elkarbizitza-plan propioa eratzea eta martxan jartzea, era horretara, ikasleek beharrezko diren trebetasun guztiak modu sistematikoan garatu ditzaten, bizitza eta elkarbizitza positibo hori eraikitzeko orduan (bakoitza bere buruarekin, gainerakoekin eta inguruarekin).

Gainera, lantzen ari garen metodologia kooperatiboa, ikastetxeko giroa kudeatzeko erreferentzi nagusia da eta Ikasgela berean ikasle desberdinekin batera lan egiteko modu onena dela uste dugu, eskola inklusiboaren alde egiteak eskatzen duen bezala. Lan egiteko modu honekin, aniztasunetik abiatuz,  ikasleek, edukiak ikasteaz gain, harremanak izaten, eztabaidatzen eta adosten ikasten dute. IK/KI programak beraz, gela(ikasle-talde bezala ulertuta edozein esparrutan), hezkuntza prozesu osoaren gune nagusi bezala eraikitzeko tresnak ematen dizkigu, bai aspektu akademikoetan baita harreman sozialetan ere.

Hezkidetza plana

Gizonen eta emakumeen arteko berdintasuna bermetzeko egiten dugun apostua, pertsona guztien eskubide eta betebeharretan oinarritzen dugu eta denon artean izan beharreko errespetuan landuko dugu.

Ikasleekin elkarbizitza hobetzeko egiten dugun lanean, diskriminazio mota ezberdinak agertzen dira ekipoen helburuetan eta sexuaren berdintasunaren errespetoa lantzearekin batera, agertzen dira ere arraza, kultura edo itxura fisiko ezberdinaren aurrean izan beharreko errespetoa. Ekipoen planetan agertzen da hau derrigorrezko helburu bezala.

Beraz, berdintasuna lantzeko, errespetoa eguneroko lanean eta modu globalean lantzea dela uste dugu modu egokiena eskolako giroa hobetzeko.

Hala ere, ikusten dugu gai espezifiko batzuk lantzeko beharra eta gizonen eta emakumeen arteko berdintasunari buruz hurrengo zehaztasunak aipatzen ditugu.

• Hurrengo jarrera eta baloreetan oinarritutako hezkuntza eman nahi dugu:
• Pertsona guztiei errespetoa bere banakotasunean, edozein bada ere bere sexua.
• Ez onartzea inolako diskriminazio eta mesprezu sexu arrazoiengatik ezta inolako indarkeria matxista motarik.
• Balore positiboa duten pertsona ereduen bilaketa, gizarte mailan bai gizonezko baita emakumezko zentzua dutenak.
• Erantzunkidetasuna etxeko lanetan eta zaintzan.

Ikastetxearen oiko praktikan:

• Zainduko dugu sarrera eta irteeretan eta espazioen banaketa eta erabileran, diskriminazioarik egon ez dadin.
• Material curricularrak aukeratzerakoan kontua izango dugu erabili beharreko hizkuntza eta aurkeztutako irudietan.
• Hizkuntza inklusiboa erabiliko dugu eta adierazpen diskriminatzaileak baztertuko ditugu.
• Lanerako ekipoan mixtoak egingo ditugu, pertsona moduan euren gaitasun eta interesari begiratuz.
• Joku eta jostailuen erabilera ez sexista egingo dugu.
• Martxoaren 8 eta azaroaren 25an jarduera espezifikoak antolatuko ditugu.
  
  
  

BERTSOLARITZA

Lehen Hezkuntzako 6. mailako ikasleek Bizkaiko Bertsozale Elkarteak antolatu eta koordinatutako "Mundu bat bertso" Programan parte hartzen dute, Ermuko Udalak babestuta. Programa honen helburuak euskal kulturari zabalkundea ematea eta euskararen ikaskuntza indartzea dira. Ikasturtean zehar, astero, ikasleek abestiak, bertsoak... lantzen diren saio batean parte hartzen dute, eta ikasturte amaieran gala batean parte hartzen dute, gure herriko gainerako eskolekin batera, non familiek eta bizilagunek gure haurren sormenaz gozatu ahal duten.

BIDELAGUNA

Programa, aniztasunari ematen dizkiogun erantzunetariko bat da eta honen helburua, egoera behartsuenean dauden eta zailtasunak dituzten hirugarren zikloko ikasleen eskolaratze prozesuaren aukerak hobetzea da.

Horretarako, ekintza zehatz batzuk antolatzen dira oinarrizko konpetentziak hobetzeko, hain zuzen ere eduki instrumentalei dagozkienak, baita ikaskuntza estrategiei eta elkarbizitzarako harremanei dagozkienak.

Helburu nagusiak:

• Kaltetuen dauden ikasleen ikaskuntza eta eskola errendimentua indartzea.
• Euren integrazio soziala hobetzea, taldean eta ikastetxean.
• Familiekin konpromezua gehitu.
• Derrigorrezko hezkuntzen arteko jarraipena erraztu.

IKASTETXEAREN PROIEKTU DIGITALA

IRAKAS - IKASTEKO PROZESUA

1. Ikasgelan IKTak egunero erabiltzea, banakako beharretara, talde-lanera eta XXI. mendeko erronketara hobeto egokitutako ikaskuntzarako. Google Workspace, Office, posta elektronikoa eta, oso garrantzitsua, Interneten erabilera arduratsua eta zuhurra erabiltzeko oinarrizko prestakuntza.
   
2. Eskola 2.0 Programa, 5.eta 6. mailetan, eta gainerako Lehen Hezkuntzara zabaldua: edizio-tresnak, Classroom eta on lineko beste App batzuk.
   
3. Hausnarketaren eta espiritu kritikoaren garapena, Interneteko arriskuak jabetzea, ziberziurtasuna...
4. Posta elektronikoaren ohiko erabilera Eskola-Komunitateko kide guztien artean.
   
   
   

EKIPAMENDUA

• Informatika Gela. Arbel digitala edo monitore interaktiboa eta ordenagailua gela guztietan.
• Mini-portatilak 3. mailatik 6. mailara bitarteko ikasleentzat. Wi-Fi konexioa irakaskuntza-gune guztietan eta beste batzuetan.
• Barneko-konexioko telefonoa gela guztietan. Horrek, barne-komunikazioa errazteaz gain, ikasleen segurtasuna hobetzen du, ikasle talde bat ez baita inoiz bakarrik geratzen.
  
  
  

JASANGARRITASUNA - PATRUILA BERDEA

Proiektu honek ikasleei beren ingurumen hurbilaren arazoa aztertu eta ulertzea ahalbidetzen die eta hiritar gisa bidezkoagoa eta ekologikoki jasangarriagoa izango den gizarte baten alde aritzeko prestatzen ditu. Proeiektu honek hezkuntza-komunitateak hartutako konpromisoa da, ikastetxeko eta bere inguruko ingurumenaren kalitatearen eta jasangarritasunaren alde lan egiteko.

Eskola-Komunitate osoak hartutako konpromisoa da, bizigarriagoa, iraunkorragoa eta sozialki bidezkoagoa den ikastetxe eta ingurune baten alde lan egiteko.